Immune Boost ၃-ရက် Challenge Program ကို ပြုလုပ်ဖြစ်ခဲ့တဲ့ အကြောင်းရင်းမှာ -

2020 နှစ်အစပိုင်း ကိုဗစ်ပိုးများ Global တစ်ဝှမ်း ပြန့်ပွားခဲ့ချိန်မှစတင်ပြီး ယခုအချိန်တိုင်အောင် ပုံမှန်လေ့ကျင့်ခန်းလုပ်လေ့ရှိကြတဲ့၊ အဆီချဝိတ်ချကြတဲ့ ကျွန်တော့်မိတ်ဆွေများမှာ ရောဂါပိုးမကူးစက်နိုင်ဖို့ အထိအရောက်ဆုံးကာကွယ်ရန် ကိုယ်ခံအားမြင့်တက်နေအောင် မည်သို့ နေထိုင်ပြုမူရမည် ကို စိုးရိမ်တကြီးဖြင့် လာရောက်မေးမြန်းခဲ့ကြသလို ကိုဗစ် ဖြစ်ပြီးသွားသူများကလည်း နောက်တစ်ခေါက်မဖြစ်အောင် မိမိကိုယ်ခံအားကို မည်သို့ စောင့်ရှောက်ရမည်ကိုလည်း အပူတပြင်း မေးမြန်းခဲ့ကြပါသည်။

Social media မှာ တွေ့ရှိနေရသည့် သတင်းအချက်အလက်များနဲ့တင် မလုံလောက်ဘဲ .. လက်တွေ့လုပ်ဆောင်ဖို့ကို ပိုမိုတွန်းအားဖြစ်စေမည့်အပြင် ယခုကိုဗစ်ရောဂါကပ်ဆိုးကာလအတွက် ပိုမိုထိရောက်မည့် သင့်လျော့်သည့် ပြည့်ပြည့်စုံစုံနဲ့ ထဲထဲဝင်ဝင် ပိုမိုလေ့လာလုပ်ဆောင်နိုင်စေမည့် အစီအစဉ်သစ်လေးတစ်ခုကို ပြုလုပ်ပေးဖို့ကို တောင်းဆိုကြသည့်အတွက် ကျွန်တော်  ယခု Immune Boost 3-Day Challenge သင်တန်းလေးကို သီးသန့်အချိန်ပေးကာ ပြင်ဆင်ပြုလုပ်ဖြစ်ခဲ့ခြင်းဖြစ်ပါသည်။



အဓိကအကြောင်းအရင်း နောက်တစ်ချက်မှာ -

ကိုဗစ်ရောဂါပိုးသည် ခံနိုင်ရည်ပိုမိုရှိသည့် မျိုးကွဲပုံစံများအနေဖြင့် ပြောင်းလဲကာ တစ်လှိုင်းပြီးတစ်လှိုင်း ပြင်းပြင်းထန်ထန် ပြန့်ပွားကူးစက်နေဦးမည့် အလားအလာရှိနေနိုင်သေးသည်ကို သိရှိထားရသဖြင့် ရောဂါပိုး နှင့်အတူ ထင်ထားသည်ထက် ရေရှည်ယှဉ်တွဲနေထိုင်တတ်ပါမှ ကျန်းမာတော့မည့် အခြေအနေသစ် ဖြစ်လာနေပါသည်။ သက်ဆိုင်ရာဆရာဝန်များ ၊ ဆေးပညာဆိုင်ရာ ကျွမ်းကျင်သူများ ၊ နှင့် သုတေသနပြုကြသူများမှလည်း မိမိကိုယ်ခံအားကောင်းရန်သာ အဓိကဖြစ်သည်ကို ပြောကြားခဲ့ပြီးဖြစ်သည်။

ဖြစ်ပွားသည့် ကိုဗစ်ပိုးခြင်းအတူတူ... ခံရတာခြင်း မတူသည်မှာ လူတစ်ဦးနှင့်တစ်ဦး ကိုယ်ခံအား ကွာခြားခြင်းကြောင့် ဖြစ်သည်။ ရောဂါအခံတစ်ခုခုရှိသူများမှာ ကိုယ်ခံအား ပိုမိုကျဆင်းတတ်လေ့ရှိသည့်အတွက် ပိုမို ခံစားရပါသည်။ ရောဂါပိုမိုပြင်းထန်ကြပါသည်။

မိမိမှာ ကိုယ်ခံအားကောင်းနေပါက ကူးစက်ဖို့ ခက်ခဲစေမည့်အပြင် .. ကူးစက်ခံခဲ့ရပါကလည်း Recovery မြန်ကာ ပိုမိုသက်သာစေမည်ဖြစ်သည်။

ထို့ကြောင့် ကိုဗစ်ရောဂါ ဖြစ်လာရင် ဘယ်လိုလုပ်မလဲ ? ကိုဗစ်ဖြစ်ပြီး နောက်တစ်ခေါက်ဖြစ်ရင် ဘယ်လိုလုပ်မလဲ ? ဘယ်လိုတွေ အကုန်ခံမယ် ဆိုသည်များအား တွေးပူနေခြင်းထက် မိမိကိုယ်ခံအားကို မည်သို့ အမြင့်မားဆုံး မြင့်တင်ရမည်ကို လေ့လာပြီး ပြင်ဆင်ထားခြင်းသည်သာ ပိုမိုကောင်းမွန်သည့် ရွေးချယ်မှုဖြစ်သည်ကို ကိုယ်တိုင်လည်းယုံကြည်သည့်အတွက် ယခု  Immune Boost 3-Day Challenge လေးကို ပြုလုပ်ကာ ကိုယ်ခံအားစနစ် အရှိန်မြင့်တင်ခြင်းဆိုင်ရာ လေ့လာသိရှိထားသမျှ အသိပညာများကို မျှဝေခဲ့ပါသည်။ အဓိကမှာ မိမိကျန်းမာရေးနှင့် ကိုယ်ခံအားအပေါ် ယုံကြည်မှုသစ်များ ဖြစ်ပေါ်လာစေရန် နည်းလမ်းပေးမည် ဖြစ်သည်။ 

ပိန်ပိန် ဝဝ ကိုယ်ခံအားနည်းပြီး မကြာခဏ အအေးမိ ၊ နှာစေး ဖျားနာဖြစ်တတ်သူများအတွက် ယခင်ကတည်းက ကိုယ်ခံအားကောင်းနည်းမျှဝေလိုစိတ်ရှိခဲ့သည်ကို ယခု ချဲ့လန်ဖြင့် မျှဝေလမ်းညွှန်ပြလိုက်ပြီဖြစ်သည်။

အအေးမိ နှာစေး ဖျားနာတော့မည်ဖြစ်ပါက ကြိုတင်လက္ခဏာပြသည်။  ထိုအချိန် မိမိကိုယ်ခံအားသည် တိုက်ထုတ်လို့အောင်မြင်သွားရင် ဖြစ်လာချိန်တွင် သက်သာလှပါသည်။ ထို့ကြောင့်  မိမိမှာ ပြင်ဆင်ချိန်ရှိပါသည်။ မည်သို့ ပြုလုပ်သင့်သည်ကို သိရှိထားလျှင် ကြောက်စိတ်ကို ပယ်နိုင်စေမည်ဖြစ်သည်။ ကိုယ်တိုင်လည်း လက်တွေ့လုပ်ဆောင်ရင်း ကောင်းကျိုးများစွာရရှိစေခဲ့သည့် အသိပညာများအားမျှဝေခြင်းအားဖြင့် သင့်အား လွတ်လွတ်လပ်လပ် ကြောက်စိတ်ကင်းကင်းဖြင့် စီးပွားရေး ၊ လူမှုရေး ၊ ပညာရေး ၊ လူမျိုးရေး များကို ဆက်လက်လုပ်ကိုင်နိုင်စေဖို့ ခွန်အားဖြစ်သွားစေနိူင်မည့် ယခု Immune Boost 3-Day Challenge ကို ပြင်ဆင်ဖွင့်လှစ်ဖြစ်ခဲ့ခြင်း ဖြစ်ပါသည်။